Qazaqstanǵa keletin sheteldik týrıser sany 15,7 mln adamǵa jetti. Bul týraly Týrızm jáne sport mınıstrligi qazaqstandyqtardy Dúnıejúzilik týrızm kúnimen quttyqtaı otyryp habarlady, dep jazady infohub.kz saıty.
Vedomstvonyń dereginshe, sońǵy jyldary eldiń týrısik salasy qarqyndy damyp keledi. 2019 jyldan 2025 jylǵa deıin ishki týrıser sany 6,6 mlnnan 8,6 mln adamǵa, al sheteldik qonaqtar sany 8,5 mlnnan 15,7 mln adamǵa ósti.
Týrızm jáne sport mınıstrligi týrızm salasyndaǵy zańnama únemi jańartylyp otyratynyn da atap ótti. 2026 jyly salany qoldaýǵa baǵyttalǵan birqatar ózgeris qabyldandy: vızıt-ortalyqtardyń quqyqtyq mártebesi bekitilip, gıdterdiń qyzmeti retteldi.
«Bizdiń aldymyzda týrısik ınfraqurylymdy damytý, kórsetiletin qyzmetterdiń sapasyn arttyrý jáne Qazaqstannyń halyqaralyq týrısik áleýetin nyǵaıtý mindetteri tur», — dedi mınıstrlikte josparlarymen bólisip.
Eske salaıyq, endi gıd, ekskýrsıa júrgizýshi nemese týrızm nusqaýshysy bolyp jumys isteý úshin Qazaqstan azamattyǵy bolýy jáne eLicense.kz arqyly quzyretti organdarǵa habarlama jiberý qajet.
Sonymen qatar elde gıdterdiń memlekettik elektrondyq tizilimi ázirlendi. Ol vedomstvonyń jáne «Kazakh Tourism» UK» AQ ınternet-resýrstarynda qoljetimdi.
Buǵan deıin «Kýrsıv» Qazaqstan AQSh Memlekettik departamentiniń baǵalaýy boıynsha týrısik táýekeli eń tómen elder sanatyna engenin jazǵan bolatyn. Amerıkalyq týrıserge Qazaqstanǵa sapar shekkende ádettegi saqtyq sharalaryn ustanýǵa keńes beriledi.