Alty machta alty jeńis — Qazaqstandyq tenısshiler Japonıada ótip jatqan XX Jazǵy Azıa oıyndarynyń tenıs týrnırindegi birinshi oıyn kúnin osyndaı nátıjemen aıaqtady. Kortqa shyqqan el ókilderiniń barlyǵy da jeńiske jetti, dep habarlaıdy infohub.kz saıty.
Azıada-2026 júldeleri úshin Qazaqstan quramasy sapynda Anna Danılına, Iýlıa Pýtınseva, Soná Jıenbaeva, Jibek Qulambaeva, Aleksandr Shevchenko, Tımofeı Skatov, Denıs Evseev jáne Beıbit Juqaev synǵa túsýde. Danılına, Pýtınseva, Qulambaeva men Jıenbaeva Japonıaǵa Qytaıdan keldi, ol jaqta ulttyq qurama sapynda Bıllı Djın Kıng kýbogynda óner kórsetken bolatyn.
Áıelder arasyndaǵy jekeleı synda 1/16 fınal kezeńinde Soná Jıenbaeva (Qazaqstan, reıtıńte 384-oryn) Gonkongtyq Adıtá Karýnaratneni (519) 6:1, 7:5 esebimen utty. Iýlıa Pýtınseva (79) Pákistandyq Ýshna Sýhaılge bir geım de bermedi — 6:1, 6:0.
Erler arasyndaǵy juptyq synda 1/16 fınalda Aleksandr Shevchenko men Tımofeı Skatov gonkongtyq Djek Cheng / Sın Hangtam jubynan basym tústi — 6:3, 6:2. Denıs Evseev (546) pen Beıbit Juqaev (1494) ta Gonkong ókilderi Sú Chıcheng pen Sıfý Vongty (786) utty — 6:1, 6:3.
Mıkste sol kezeńde Jibek Qulambaeva (105) men Beıbit Juqaev (1494) pákistandyq Ýshna Sýhaıl / Akıl Han jubynan (1834) basym boldy — 6:2, 6:1. Anna Danılına (6) men Aleksandr Shevchenko Pákistannan kelgen Mahın Aftab Kýreshı men Aısam Kýreshıdi jeńdi — 6:3, 7:5.
Bir qyzyǵy, Qazaqstannyń Azıa oıyndaryndaǵy tenıs júldeleri onsha kóp emes. Nagoıada bul jaǵdaıdy túzetý qajet.
XX Jazǵy Azıa oıyndary resmı túrde 19 qyrkúıekte ashyldy jáne 4 qazanda máresine jetedi. 45 eldiń sportshylary qatysatyn jarysta 460 komplekt júlde sarapqa salynýda. Azıada-2026-da Qazaqstan quramasy sapynda 35 sport túrinen 558 sportshy óner kórsetýde.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıony atanǵandar: veloshabandozdar Rınata Sýltanova men Alekseı Lýsenko, sondaı-aq karatıster Jolaman Bıgabyl men Sofá Berýlseva. Qurama qorjynyna besinshi altyndy MMA saıyskeri Erkinǵalı Búrkitalın, altynshyny — onyń aralas jekpe-jektegi komandalasy Qadyrbek Shynbaev saldy. 23 qyrkúıekte Lýsenko Azıa oıyndary-2026-nyń eki dúrkin chempıony atandy. Segizinshi joǵary synaqtaǵy medaldi 24 qyrkúıekte erler arasyndaǵy jup eskekti qaıyq jarysynda Vladıslav Iakovlev pen Ivan Chernýhın jeńip aldy. Iasmına Toqsanbaeva búgin marafondyq júriste toǵyzynshy altyndy utyp aldy. Onynshy altyn medaldi shpagamen semserlesýshilerimizdiń komandasy ıelendi.
Oıyndardyń jeti kúninen keıin Qazaqstan beıresmı medal esebinde besinshi orynda turdy.