«Qazaqtelekom» operatory Ekibastuzdaǵy «Derekterdi óńdeý ortalyqtary alqaby» jobasyn júzege asyrý úshin birneshe mıllıard dollar tartýdy kózdep otyr, dep habarlaıdy infohub.kz saıty.
Kompanıa basqarma tóraǵasy Baǵdat Mýsın Reuters agenttigine bergen suhbatynda qarajatty oblıgasıalar, Qazaqstannyń damý banki jáne halyqaralyq qarjy ınstıtýttary arqyly tartý josparlanyp otyrǵanyn aıtty.
«SODtar alqaby» jobasyn iske asyrýǵa bir mıllıard dollarmen ólshenbeıtin eleýli somalar qajet. Bul qarjylandyrýdy tartý úshin túrli quraldar, sonyń ishinde HQO alańyndaǵy oblıgasıalar, sondaı-aq Qazaqstannyń damý bankiniń qarajaty paıdalanylýda. Qatar halyqaralyq qarjy ınstıtýttarynan qarajat tartý jumystary júrgizilýde», – dedi «Qazaqtelekom» basshysy.
Onyń aıtýynsha, kompanıa birqatar qytaılyq jáne amerıkandyq ınstıtýttarmen qarjylandyrý tartý týraly kelissózder júrgizýde. Alaıda qarajattyń naqty kólemi men tartý merzimderi ázirge belgisiz.
Eske salaıyq, Qazaqstan Firebird Inc. kompanıasymen NVIDIA qatysatyn esepteý jobalary boıynsha kelisim jasasqan. Qazaqstandaǵy «Bolashaq SODtar alqaby» jobasy 10 mıllıard dollar ınvestısıa tartýy tıis. Derekterdi óńdeý ortalyqtaryn qurý úshin NVIDIA kompanıasynyń grafıkalyq prosesorlaryna negizdelgen serverler paıdalanylady.
Derekterdi óńdeý ortalyqtarynyń qýaty keminde 300 MVt bolyp, ol 1 GVt-qa deıin artýy múmkin.