Qyran búrkit ne almaıdy, salsa baptap,
Jurt júr ǵoı kúıkentaı men qarǵa saqtap.
Qyran shyqsa qıaǵa, jiberedi
Olar da eki qusyn eki jaqtap.
Qarqyldap qarǵa qalmas art jaǵynan,
Kúıkentaıy ústinde shyqylyqtap.
Ózi almaıdy, qyranǵa aldyrmaıdy,
Kúni boıy shabady bos salaqtap.
Tıip-shyǵyp, yza qyp, ustatpasa,
Qýanar ıeleri sonda yrjyqtap.
Ne taptyq munymenen degen jan joq,
Túni boıy kúpilder qusyn maqtap.
Basqa saıa, janǵa olja dáneme joq,
Qaıran el osynymen júr dalaqtap.

---