Tysqa shyqsam,
Kún shyńyltyr, qar jaýǵan.
Yzǵar, aıaz atyrylyp bar mańnan,
Asyp anaý asqar-asqar taýlardaı,
Qys jetipti tonyn teris aýdarǵan.
Qys jetipti,
Sol baıaǵy kezindeı,
Qýyryp júr dúnıeni kóz ilmeı,
Kún nurynan esh jylylyq sezilmeı,
Áınektengen maskúnemniń kózindeı.
Shýyldaǵan shaý qarǵadaı jar salyp,
Sábıler júr kári atasyn qarsy alyp.
Mahabbattan umyt qalǵan ustaz qyz,
Terezege qarap otyr tamsanyp.
Terezege qaraıdy da, tamsanyp,
Muńaıa ma, qýana ma án salyp?!
Jibir emes terezege qatqan muz,
Jylýymen jylytsa da qanshalyq.
Attanasyń aıaqtamaı armandy,
(Ras eken jalǵan dese, jalǵandy!)
...Qyz janaryn oqýlyńqa aýdardy,
Sheshpek bolyp kóp belgisiz sandardy...

---