-Baǵasyń! - dedi bastyǵym,
-Baqpaımyn! - dedim, bala edim.
Artym bos, aıtar tasbýyn,
Joq-tuǵyn meniń dálelim.
-Baqtyram! - dedi bastyǵym.
Baǵasyń! - dedi,- jetpegir!
Sonymen, biraz jas kúnim,
Qysyraq qýyga ótken bir,
Qorada jemsiz aqyrda,
Qamaýda-tuǵyn qysyraq,
Aıańdap kelem, taqymǵa
Shetennen ńuryq qysyp ap
Aıqara ashtym qorany,
Janýarlarǵa obal-dy.
Obaldy qaıtsin qysyraq,
Oınaqtap alyp joǵaldy.
Birine-biri dem berip,
Tuıaqpen tútip dalany.
Týlaǵan óńsheń kókjelik,
Úıirin izdep barady,
Qaıyrý berer bolmady,
Oınańtap olaı, bylaı bir,
Sorpasy shyǵyp sorlady.
Silesi qatqan qula aıǵyr
Jeligip aldy kónbesten
Jelqýyq óńsheń baıtaldar,
Biri de qaıyrý bermesten
Synaptaı ańty saıtandar.
Bir-birlep júrip saı-qumnan,
Ólgende ázer qaıtardym.
Jarmasty-aý qula aıǵyr da,
Jalyna jıren baıtaldyń.
Synaptaı aqqan saıtandy,
Janýar ábden ılegiti,
Shý asaý óńshen, baıtaldy,
Bir-birlep júrip uıretti...

---