Sabaqtyń taqyryby: Esepter shyǵarý
Sabaqtyń maqsattary:
1. Bilimdilik: Oqýshylardyń matematıkadan alǵan bilimderin nyǵaıtý, tereńdetý, keńeıtý, qoldana alý;
2. Damytýshylyq: Oqýshylardyń matematıkalyq oılaý qabiletin, oı - órisin damytý, logıkalyq esepteý daǵdylaryn jetildirý.
3. Tárbıelik: Oqýshylardy uıymshyldyqqa, dostyqqa, tapqyrlyqqa, shapshańdyqqa tárbıeleý.
Sabaqtyń tıpi: Aralas sabaq
Sabaqtyń túri: Dástúrli emes, «Qyzyqty saǵat» saıys sabaǵy
Sabaqtyń ádisi: Praktıkalyq
Pánaralyq baılanys: Qazaq tili men ádebıet
Sabaqtyń kórnekiligi: A1 formatty plakat, logıkalyq tapsyrmalar, maqal - mátelder, testter, sózjumbaq

Sabaqtyń barysy:
İ. Uıymdastyrý kezeńi:
1) Sálemdesý;
2) Sabaqqa daıarlyǵyn tekserý;
3) Úı tapsyrmasyn suraý:
Aýyzsha suraqtar arqyly úı tapsyrmasy tekseriledi:
1 - topqa: Ondyq bólshekterdi qosý jáne azaıtýdy túsindirińder;
2 - topqa: Ondyq bólshekterdi kóbeıtý men bólý qalaı oryndalady?
4) Synypty eki topqa bólý arqyly saıys sabaq túrinde ótetini týraly habarlaý;
5) Sabaqtyń maqsatymen tanystyrý:

Búgingi saıys sabaǵymyz 3 kezeńnen turady:
İ kezeń: Sózjumbaq saıysy – ár toptan kezekpen shyǵyp sózjumbaq tapsyrmalaryn oryndaıdy (ár durys jaýap oqýshyǵa 1 upaıdan beredi);
İİ kezeń: Biliktilik saıysy – ár toptan 2 oqýshydan shyǵyp tapsyrmany oryndaıdy (ár durys jaýapqa 3 upaı);
İİİ kezeń: Tapqyrlyq saıysy – kezekpen oqýshylar shyǵyp, logıkalyq tapsyrmalar men maqal - mátelder jazylǵan topshamalardy alyp, sondaǵy tapsyrmalardy oryndaıdy (durys jaýap bergen ár oqýshyǵa 1 upaı).

İ. Sózjumbaq saıysy
Taqtaǵa kezekpen oqýshylar shyǵyp berilgen sózjumbaqty suraqtaryna jaýap berý arqyly toltyrady (kóldeneńinen jáne tiginen):
1. Quramynda tek qana sandardan turatyn órnek (sandy);
2. Sheńberdi teń eki bólikke bóletin kesindi (dıametr);
3. Sandardyń qosyndysyn qosylǵyshtar sanyna bólgende shyǵatyn
bólindi qandaı orta dep atalady? (arıfmetıkalyq);
4. 1 – ge jáne ózine ǵana bólinetin san (jaı);
5. Quramynda árippen belgilengen belgisiz sany bar teńdik (teńdeý);
6. Bútin bólikten jáne bólshek bólikten turatyn san (aralas);
7. R = a + b + s neniń formýlasy?(perımetr);
8. Birlikten de kishi razrádtary bar bólshek (ondyq);
9. % - qalaı oqylady? (paıyz);
10. Sheńberdiń dál ortasy (sentr);
11. Berilgen sandar qataryndaǵy jıiligi eń kóp san (moda);
12. Sheńberdiń sentri men kez kelgen núktesin qosatyn kesindi (radıýs);
13. Alymy bóliminen úlken bólshek qalaı atalady (burys);
14. 90° - qa teń burysh (tik);
15. 0, 2, 4, 5, 6, 8 – ge aıaqtalatyn sandar qalaı atalady? (jup);
16. Bólshektiń ústi (alymy);
17. 2 – ge bólinbeıtin sandar qalaı atalady? (taq).
Durys jaýap bergen oqýshynyń tıesili upaıy óz tobyna qosylady.

İİ. Biliktilik saıysy
Plakatta 4 uıashyq berilgen, onda esepter men testterden turatyn tapsyrmalar jazýly, ár toptan 2 oqýshydan shyǵyp bir uıashyqty tańdap, sondaǵy tapsyrmany taqtada oryndaıdy.
1 – uıashyq tapsyrmasy (test): Samal, Arýjan jáne anasy bálish jedi. Samal bálishtiń 1/2 bóligin, Arýjan ¼ bóligin jáne anasy ¼ bóligin jedi. Sonda qansha bálish qaldy?
A) ¾;
Á) 2/4;
B) ¼
V) Eshteńe qalmady
2 – uıashyq tapsyrmasy (esep): Jyldamdyqty tabý formýlasyn taqtaǵa jazyp, oqýlyqtyń №1446 esebin oryndaý.
Suraqtyń jaýaby: υ = S / t
Eseptiń jaýaby: 2, 1 m/s.
3 – uıashyq tapsyrmasy (test): 7/10 sanyn qalaı jazýǵa bolady?
A) 0, 07;
Á) 0, 007;
B) 0, 7;
V) 70.
4 – uıashyq tapsyrmasy (esep): Sannyń paıyzyn tabýdy túsindirý, oqýlyqtyń №1449 esebin oryndaý.
Suraqtyń jaýaby: Sannyń paıyzyn tabý úshin paıyzdy 100 - ge bólip, berilgen sanǵa kóbeıtý kerek.
Eseptiń jaýaby: 45, 9 kg – temir, 5, 1 kg – nıkel
Ár durys jaýap bergen oqýshynyń upaıy tobynyń úlesine qosylady.

İİİ. Tapqyrlyq saıysy
Logıkalyq esepter men maqal - mátelderden turatyn 12 topshamalar berilgen, oqýshylar kezekpen alyp, sondaǵy suraqtarǵa jaýap beredi.
Logıkalyq suraq: Ústel ústinde 3 stakan shıe tur. Dáýren bir stakan shıeni jep qoıdy. Neshe stakan qaldy? (3 stakan)
Maqal – mátel:... jaqsy qas bolmas,... jaman dos bolmas (Eki)
Logıkalyq suraq: Dopty laqtyrǵanda, dop sol izimen qaıtý úshin ony qalaı laqtyrý kerek? (joǵary)
Maqal – mátel: Dosyńdy... kún synama,... jyl syna (Úsh)
Logıkalyq suraq: Aıdynnyń Asqardan boıy uzyn, biraq Janattan kishi. Kim uzyn? (Janat)
Logıkalyq suraq: Júgirý jarysynan Áset, Marat, Talǵan úsh oryndy ıelendi. Eger Marat İİ oryn almasa, al Talǵat İİİ oryn almasa, kim qandaı oryn aldy? (İ – Marat, İİ – Talǵat, İİİ – Áset)
Maqal – mátel: Altaý ala bolsa, aýyzdaǵy ketedi,.... túgel bolsa, tóbedegi jetedi (Tórteý)
Logıkalyq suraq: Kóshede eki ákesi, eki balasy, atasy nemeresimen qydyryp júr. Kóshede neshe adam júr? (Úsheý)
Maqal – mátel:
... teńgeń bolǵansha,... dosyń bolsyn! (Júz)
Logıkalyq suraq: Bes jyl buryn egizderdiń jastarynyń qosyndysy 8 – ge teń boldy. Bes jyldan keıin olardyń jastarynyń qosyndysy neshege teń bolady? (18)
Maqal – mátel:
... tal kesseń,... tal ek! (bir jáne on)
Maqal – mátel:
... saýsaq birdeı emes. (Bes)
Durys jaýap bergen oqýshy óz tobyna 1 upaıdan ákeledi.
Upaılardy eseptep, jeńimpaz topty anyqtalady.

Qorytyndylaý: Oqýshylarǵa suraqtar qoıý arqyly sabaq qorytyndylanady.
Baǵalaý: Belsene qatysqan oqýshylar baǵalanady.
Úıge tapsyrma:
Sabaq aıaqtaldy! Nazarlaryńyzǵa rahmet! Saý bolyńyzdar!