Almaty oblysy Qonaev qalasynda kámeletke tolmaǵan balanyń ólimine ákep soqqan jol-kólik oqıǵasy boıynsha qylmystyq is qozǵaldy. 22 jastaǵy júrgizýshi basqarǵan Hyundai kóligi balany qaǵyp ketken, ol oqıǵa ornynda kóz jumdy, dep habarlaıdy infohub.kz saıty.
Qaıǵyly oqıǵa týraly «egovpress» Instagram-paraqshasyndaǵy jarıalanymnan belgili boldy. Qonaev qalasynyń turǵyndary aıtqandaı, №10 shaǵyn aýdanynda kólik balany qaǵyp óltirgen. Jergilikti turǵyndardyń sózinshe, kóshede tipti trotýar joq.
Apat aldyńǵy kúni — 20 qyrkúıekte bolǵany atap ótildi.
«Aldyn ala derekter boıynsha, 20 qyrkúıekte saǵat 18:40 shamasynda Qonaev qalasynyń bir kóshesinde 22 jastaǵy Hyundai kóliginiń júrgizýshisi júrginshi jolynda turǵan kámeletke tolmaǵan balany qaǵyp ketti. Alǵan jaraqattarynan bala oqıǵa ornynda qaza tapty», — dep habarlady Almaty oblysynyń polısıa departamenti.
Qazirgi tańda oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilýde. Tergeý polısıa departamenti basshylyǵynyń baqylaýynda.
Buǵan deıin Ekibastuzda da aldyńǵy kúni jol-kólik oqıǵasy saldarynan bala qaza tapqany habarlanǵan bolatyn.