Qazaqstan Qorǵanys mınıstrligi áleýmettik jelilerde taraǵan, vedomstvo basshysy, avıasıa general-leıtenanty Dáýren Kosanovtyń qatysýymen túsirilgen beınejazbaǵa qatysty resmı málimdeme jasady, dep habarlaıdy infohub.kz saıty.
Qorǵanys vedomstvosynyń túsindirýinshe, áleýmettik jelilerde Qazaqstan Respýblıkasynyń qorǵanys mınıstri, avıasıa general-leıtenanty Dáýren Kosanovtyń qatysýymen túsirilgen eski beınejazba taralyp jatyr. Oǵan Kaspı teńizindegi qaıǵyly oqıǵamen baılanystyratyn pikirler qosylyp otyr.
«Bul beınejazba byltyr túsirilgen jáne qazirgi tragedıaǵa, Kaspıde oqý-jaýyngerlik tapsyrmalardy oryndaý kezinde qaza tapqan áskerı qyzmetshilerdiń qazasyna eshqandaı qatysy joq. Áleýmettik jeli qoldanýshylaryn muraǵattyq beınematerıaldardy manıpýlásıalaýǵa, olardy konteksten julyp alýǵa jáne bolǵan tragedıamen baılanystyrýǵa shaqyrmaımyz. El qaza tapqan áskerı qyzmetshilerdi aza tutyp jatqan kúni aqparat taratý kezinde jaýapkershilik tanytýdy jáne qaza tapqan áskerı qyzmetshilerdiń týǵan-týystaryna qurmet kórsetýdi suraımyz», — dedi vedomstvoda.
Eske salaıyq, 24 qyrkúıekte oqý-jaýyngerlik tapsyrmany oryndaý barysynda aýa raıynyń kenetten kúrt nasharlaýy men ekpindi jeldiń saldarynan Kaspı teńizine 17 áskerı qyzmetshi aǵyzylyp ketti, olardyń 14-i qaza tapty. Úsheýi qutqaryldy.