Bilim berý salasy: Tanym
Uıymdastyrylǵan oqý is - áreketiniń túri: «Qorshaǵan ortadaǵy tirshilik ıeleriniń syry»
Taqyryby: «Úı janýarlary»
Maqsaty: Balalardyń mysyq pen kúshik jóninde túsinikterin keńeıtý, olardyń tirshiligimen tanystyrý. Tilin damytý, antonım sózderdi paıdalaný arqyly sózdik qoryn tereńdetý.
Úı janýarlaryna degen súıispenshilik sezimge tárbıeleý.
Sabaqtyń ádisteri: kórsetý, suraq - jaýap, baqylaý.
Sabaqtyń kórnekilikteri: sýretter, slaıd, markerler

1. Uıymdastyrý kezeńi, sálemdesý.
Jylýlyq sheńberi.
Araılap tań atty,
Altyn sáýle taratty.
Jarqyraıdy kúnimiz.
Jarqyraıdy dalamyz.
Qaıyrly tań,
Qaıyrly kún, balalar!
- Balalar úı janýarlary dep nelerdi aıtamyz?
- Kim olardy atap beredi?
Búgin biz sabaqta mysyq pen ıtter týraly aıtamyz.

Tárbıeshiniń áńgimesi.
Mysyq óte súıkimdi úı janýary. Ol kóp úıde bolady. Mysyqtar óte meırimdi, baýyrmal bolady. Adam mysyqty qolǵa úıretkenine qaramastan, ol jabaıy úı janýary bolyp qalady. Mysyq erkindikti jaqsy kóredi, sondyqtan túnde qydyrady, ol adamsyz ómir súre alady. Mysyqtar et pen balyq jegendi jaqsy kóredi. Taǵy olar sút taǵamdaryn: aıran, sút, qaımaqty jaqsy kóredi. Mysyqtarǵa qurǵaq tamaqtar da beredi. Úlken mysyqtar tyshqan, egeýquıryqtardy aýlaıdy jáne keıbir mysyqtar shóppen qorektenedi. Mysyqtar óte taza janýarlar, olar ýaqytynda jýynady, ústerin tazalap turady. Ýaqytynda dalaǵa shyǵady.
Mysyqtar uıyqtaǵandy óte jaqsy kóredi. Mysyqty sen renjitseń ol seni tyrnaǵymen tyrnap alady. Sondyqtan mysyqpen abaı bolý kerek. Quıryǵynan tartýǵa bolmaıdy.
It ıesin kórgende qýanady, quıryǵyn bulǵańdatyp, artqy aıaǵyna turady. Adam ıtti jibinen ustap dalaǵa qydyrtady. Daladan kelgennen keıin aıaqtaryn jýady.
Aýyryp qalsa mal dárigerine kórsetedi.
It et, balyq, qus etin jáne qurǵaq jem jeıdi.
Ittiń súıikti tamaǵy, ol súıek. It et, balyq, qus etin jáne qurǵaq jem jeıdi.
Ittiń súıikti tamaǵy, ol súıek. IT – adamnyń dosy.
Mysyq pen ıt bir – birimen dos emes.

Urysyp jatqan adamdarǵa “Mysyq pen ıt sıaqtysyńdar deıdi” It pen mysyq bir úıde turyp keı ýaqytta dos bolady, ol biraq sırek kezdesedi. Meıli úıińde mysyq ıa bolmasa ıt bolsa olardy kútip baptaý kerek. Ýaqytynda tamaq berip, qydyrtyp dalaǵa, jýyndyryp, dárigerge kórsetip.
Tórt aıaqty dosyńdy jaqsy kór, renjitpe.
Jumbaq jasyrý.
Tikireıip qulaǵy
Menen buryn turady.
Boıyn jazyp kerilip,
Beti - qolyn jýady. (Mysyq)
Laǵymnyń qulaǵy seltıip turady,
Qozy kórse bolǵany, ony tura qýady. (kúshik)
Sergitý sáti.
«It pen mysyq adamǵa qalaı dos boldy?» ertegisin oqý
Sýret salý Ujymdyq jumys.
Sabaqty qorytyndylaý.
Neni bildi: Úı janýarlary týraly bildi..
Qandaı túsinikterdi ıgerdi: úı janýarlarynyń tirshiligimen tanysty.
Meńgergen daǵdylary men iskerlikteri: áńgimeleýge, sol taqyrypqa sýret salýǵa, este saqtaý qabiletterin damytý.