Sát sapar tiledi jurt, maqtan qyldy
El ishine súıkimdi, maqtaýly uldy,
Jasama dep jat qylyq saqtandyrdy
Jańadan otaý tigip, irge qurap,
Qalypty jas semá gúldenip-aq.
...Anasy jol jabdyǵyn ázirleýde,
Qýanyp, birde kúlip, birde jylap.
Qoshtasyp aǵalary, qurbylary,
Qosh aıtyp aýyl-aımaq turdy bári.
Qosh bol! -dep alys saǵym buldyrady
Estilip bulaqtardyń syńǵyr áni.
Bári de qoshtasýda...
Biraq bir jan,
Bata almaı qoshtasýǵa jylap turǵan.
Jolyǵyp jol boıynda qyrat-qyrdan,
- Qosh bol! -dep oramalyn laqtyrǵan
Bolashaq soldat ony baıqamady,
Qyz qylyǵyn taǵy da qaıtalady...
...Jasyma, mahabbatyń qaıtar áli
Onyń da sen bolarsyń aıtar áni.