Qazaqstannyń Qostanaı oblysynda birneshe dala órti tutanyp, turǵyn úılerge tikeleı jaqyndady. Qutqarýshylardyń aldyn ala dereginshe, ot Reseıden aýysýy múmkin, dep habarlaıdy infohub.kz saıty.
Alǵashynda Jitiqaradaǵy saıajaı alqaptarynda órt shyǵyp, keıin ot Denısov aýdanyna tarap, dala boıymen jaıyla bastady. Sońǵy táýlikte qutqarýshylar órt týraly segiz habarlama aldy. Keıbir jerlerde jalyn úılerge tikeleı jaqyndaǵanymen, turǵyn qurylystarǵa jetpedi.
Ákimdikterdiń málimetinshe, órtengen qurylystardyń sebebi qysqa tuıyqtalý boldy, tek Denısov aýdanynyń Grıshenka aýylyn qospaǵanda. «Grıshenka aýylynda qurǵaq shóp órtendi. Temirjol mańyndaǵy órt keıin dala órtine ulasty. Ottyń aýyl aýmaǵyna taralýyn boldyrmaý múmkin boldy. Turǵyn úıler men qurylystar zardap shekken joq», — deıdi Qostanaı oblysy ákimdiginiń jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy Maksım Ýstınov.
Sonymen qatar, aldyn ala aqparat boıynsha, Qarabalyq aýdanynda 800 gektardan astam jer órtendi. Órt Reseı aýmaǵynan keldi. Ótken aptada oblysta bes dala órti, ekeýi aýyl sharýashylyǵy alqaptarynda jáne 19 tehnogendik órt tirkeldi.
«Bizde órtter negizinen aýyl sharýashylyǵy órtterinen shyǵady. Qazirgi tańda egin jınaý naýqany belsendi júrip jatyr. Sonyń saldarynan sharýa qojalyqtary aýyl sharýashylyǵy órtterin jasaı bastady. Qazir oblysta órt qaýipti jaǵdaı joǵary bolǵandyqtan, aýyl sharýashylyǵy órtterine tyıym salynǵan», — dedi Qostanaı oblysy TJD órt baqylaý basqarmasynyń bastyǵy Dáýren Sarınov.