Avtory:
Ǵabıden QOJAHMET,
Qyzylorda qalasy

Quqyqtyq sana osydan týyndaǵan

Azat el quqyǵynyń asqarlary
Belgili Ata Zańmen bastalǵany.
Bul kúnde mereıtoılyq tarıhy bar,
Jıyrma jyl jurt pikiri qoshtalǵaly.

Jańǵyrtty jadynda ár kez muny halyq,
Ár babyn óz Zańynyń uǵyp alyp.
Júr búgin osy qujat aıasynda
Tynyǵyp, eńbek etip, bilim alyp.

San isti retteýge ortańdaǵy,
Zańdylyq salmaǵynyń artar máni.
Sondyqtan Ata Zańmen úılesýge
Tıisti árbir zańnyń ár tarmaǵy.

Bostandyq bodandyqtan búgin ulǵa,
Azat el turǵanda asqaq tuǵyrynda.
Ornyǵar zańnyń ǵana ústemdigi -
Quqyqtyq memleket uǵymynda.

Osyndaı jatady úlken uǵymda mán,
Ol barda, shyndyq júzi burylmaǵan.
Jıyrma jyl toldy búgin Ata Zańǵa,
Quqyqtyq sana osydan týyndaǵan.

El men el tek bilimmen teńeletin,
Kez keldi álemge ult elenetin.
Ata Zań ár sanada ornyqtyrar
Qoǵamnyń shyn quqyqtyq mádenıetin.

Bostan bop, erkindikpen baǵalandyń,
Yqpaly qajetti ár kez sanaǵa ardyń.
Zań men ar alshaq túspes eki uǵym,
Syılaýy tıis ony ár adamnyń.

Qoǵamyń quqyqpenen ólshengesin,
Zańǵa jat ony eshteńe eńsermesin.
Mereke qutty bolsyn, ár kezde de
Ádilet tarazysy teńselmesin!