Sulý qyz anadaıdan sylańdaıdy,
Teńimen oınap-kúlip, burańdaıdy.
Adamzat bári ǵashyq, bári qumar,
Ah uryp, ony kórmeı tura almaıdy.
Eptiler ebin taýyp, jaqyndapty,
Bolýǵa eń súıgeni jaqyn qapty.
He qylsyn óziniń qoly jetkennen soń,
Meńireýdi men syqyldy shaqyrmapty.
Bilmeppin dáneńesin syrt halyqtyń,
Sóz qatpaı, tań atsa da, qur jatyppyn.
Oılamaı, kóz júgirtpeı, meńireý basym,
Janaspaı, jaqyn júrmeı, qur qalyppyn.

---