Kóktem ketti, kúz, mine, jýyqtady,
Barmysyńdar, baýyrlar, qyryqtaǵy?
Báriń tiri qaldyń ba, qaryǵanda
Qyryqynshy jyldardyń sýyqtary?
Týylyp ek aılar cap aramyzǵa,
Aılar salyp, árige baramyz ba?!
Buıyrmasyn túsinsem., osy bizder,
Shynymenen bireýge aǵamyz ba?!
Keshe edi ǵoı, qudaı-aý, keshe edi ǵoı,
Dúısenbiniń myna dáý sheshegi ǵoı!
Mynaý - ázer qaz basqan tórt jasynda,
Muhamedjan qartyńnyń mesheli ǵoı.
Taǵdyr bizden bárin de aıamaǵan:
Jylatqan da jubatqan, aıalaǵan,
Ata qazdan aırylǵan balapan ek,
Aspan asty, jer ústin saıalaǵan.
Armanymyz juldyzǵa jýyq bolyp,
Apyl-tapyl kún keshtik sýyp, tońyp.
Sharýasy shalqaıǵan shaǵyn úıdiń,
Shańyraǵyna shanshyldyq ýyq bolyp...

---