Bizder júrmiz der kezinde týylyp,
Sýǵa túsip, otqa órtenip, jylynyp,
Jetimderdiń uıasyna tyǵylyp,
Jesirlerdiń kóz jasyna jýynyp,
Áıtse daǵy, der kezinde týylyp!
Bizder myna dáýirmenen birge óstik,
Qarap sonyń qabaǵyna, kún keshtik.
Ýaqyttyń únimenen tildestik,
Ýaqyttyń kóshimenen bir kóshtik.
Adamzatty qorǵaı júrip, qań bastyq,
Adamzattyń azǵynymen arbastyq.
Alasaıran arpalystan aman qap,
Adamzattyń ómirimen jalǵastyq.
Bul dáýirdiń betin bizder ashqanbyz,
Bolashaqqa solaı qadam basqanbyz.
...Bizder - áli jan baspaǵan asqarmyz,
Bizder - áli jazylmaǵan dastanbyz.
Biz jarattyq mynaý ǵajap ǵasyrdy,
Tarıhy onyń bizdermenen ashyldy.
Bizdiń myna qoltańbamyz basýly.
Qurmetteńder, jıyrmasynshy ǵasyrdy

---