Aqtóbe oblysy, Shalqar aýdany,
Qyzyltý negizgi mektebiniń bastaýysh synyp muǵalimi
Eskalına Ótebıke Esqalyqyzy

Taqyryby: Qustar – bizdiń dosymyz.
Maqsaty: Oqýshylarǵa qustardyń paıdasy týraly túsinik berý. Qustar túrlerimen tanystyrý. Qustarǵa qamqor bolýǵa tárbıeleý.

Sabaqtyń barysy:
- Salamatsyńdar ma, balalar. Búgingi tárbıe saǵatynyń taqyryby «Qustar dostar» dep atalady. Qane, qandaı qustardy bilesińder? (oqýshy jaýaby).
- Bul qustar ekige bólinedi eken. jabaıy qustar jáne úı qustary. Úı qustaryn atańdar?
- Átesh, taýyq, úırek, qaz, kúrketaýyq.
- Olardy nege úı qustary dep ataımyz?
- Sebebi olar adammen birge ómir súredi, olardy adam kútip baǵady, olar jumyrtqa, etin, mamyǵyn adamǵa beredi.
- Jabaıy qustar týraly áńgimeleıik. Qandaı jabaıy qustardy bilesińder? (oqýshy jaýaby).

Úki:
Úki edim túnde ushyp qalyqtaǵan,
Qurtýdan zıankesti jalyqpaǵan.
Úkimdi úlpildegen kıeli dep,
Burynnan - aq adamdar taǵyp alǵan.

Japalaq:
Men japalaq qalyspaımyn jarystan,
Qoregimdi izdemeımin alystan.
İnnen basyn qylt etse - aq tyshqannyń
150 - in ár aı saıyn janysham.

Toqyldaq:
Qurtty izdep ininen,
Qaraǵaıdy úńgigen.
Toqyldaq qus dáriger,
Qashan da ol ábiger.

Kógershin:
Beıbitshilik qusy menmin – kógershin,
Jer júzinde beıbit eńbek kógersin.
Aspan tunyq, shat kóńildi bolaıyq,
Aq nıetti adal jandar kóbeısin!
- Óte jaqsy, balalar. Endi, balalar, jumbaq sheship kóreıik.

1. Kóldiń kórki sán eken,
Ushqanda sazdy án eken.
Aqyndar ony maqtaǵan,
Adamdar qorǵap, saqtaǵan. (aqqý)

2. Aýyl da, qala da mekeni,
Jolaýshy júrsek shyǵaryp salady,
Aldyńnan shyǵady,
Janyńdy erkeletedi. (qarlyǵash)

3. Kóktemde qustar kelgende,
Eń aldymen keletin.
Ózimiz kútip alatyn,
Uıa jasap beretin,
Bul qandaı qus balalar? (qaratorǵaı)

4. Qustyń negizgi mekeni ne? (uıa)
5. Qandaı qus hat tasýshy atalǵan? (kógershin)
6. Qandaı qusta múldem uıa bolmaıdy? (kókek)

Tapsyrma: ózińe unaǵan qustyń sýretin sal.