Qytaıdyń Chjeszán provınsıasyndaǵy Száshan ýeziniń Shı tegi bar turǵyny Beijing Chuntian Zhiyun Technology kompanıasyna sotqa shaǵym túsirdi. Ol jasandy ıntellekt chat-botyn otbasyna kelgen qatarynan qaıǵyly jaǵdaılarǵa kinálady, dep habarlaıdy infohub.kz saıty.
NDTV dereginshe, sáýirde anasy kenetten qaıtys bolǵan soń Shı fenshýıdiń dástúrli erejelerine saı jerleýge qolaıly kún izdeı bastaǵan. Alǵashynda jaldaǵan sheber jerleýdi 20 sáýirge belgileýdi usynǵan. Alaıda Shı bul kúnge kúmándandy: ol qaıtys bolǵannan keıingi tórtinshi kúnge túsip, jergilikti ádet-ǵuryp boıynsha jaǵymsyz belgi sanalady.
Sonda er adam jasandy ıntellekt qyzmetimen aqyldasýdy jón kórdi. Baǵdarlama rásimdi 19 sáýirde ótkizýdi usynyp, qosymsha ǵuryptardy da aıtty. Keıin Shı neırojeliniń jaýaptarynda qaıshylyq baryn baıqady: baǵdarlama bir kúndi usynǵanmen, mátinde 19 sáýirdiń qolaısyz kún ekenin de kórsetken.
Jerleýden kóp uzamaı Shıdiń týystarynyń biri aýyr jol-kólik oqıǵasyna tap boldy. Otbasy músheleri apatty durys tańdalmaǵan kúnnen bolǵan fenshýı erejeleriniń buzylýymen baılanystyryp, Shıdi kinálady. Oǵan jaýap retinde er adam kompanıadan keshirim suraýdy jáne shyǵyndy óteýdi talap etti.
Beijing Chuntian Zhiyun Technology ókilderi sotta qyzmet tek tanysý úshin aqparat beretinin, paıdalanýshylardyń sheshimderi úshin jaýapkershilik kótermeıtinin málimdedi. İs áli qaralýda.