15 qyrkúıekten bastap Qytaıda Qytaı Halyq Respýblıkasy Memlekettik keńesiniń jańa reglamenti kúshine endi. Qujat eldiń egemendigin, qaýipsizdigin jáne damý múddelerin qorǵaýǵa baǵyttalǵan qosymsha sharalardy engizedi, dep habarlaıdy infohub.kz saıty.
Qujatta atap ótilgendeı, erejeler shetelge shyǵatyn jáne elge kiretin azamattardyń zańdy quqyqtaryn, sondaı-aq memlekettiń egemendigi men qaýipsizdigin jáne damý múddelerin qorǵaýdy kózdeıdi.
Jańa reglamentke sáıkes, bılik jekelegen elderge barý kezinde týyndaıtyn táýekelder týraly eskertýler jarıalap otyrady.
Shetelde quqyq buzýshylyq jasaǵan nemese eksporttyq baqylaý erejelerin buzǵan Qytaı azamattaryna alty aıdan úsh jylǵa deıin shetelge shyǵýǵa tyıym salynýy múmkin.
Sheteldikterge vıza rásimdeý kezinde nemese shekarada jalǵan málimet bergeni úshin Qytaıǵa kirýge bir jyldan bes jylǵa deıin tyıym salynýy múmkin.
Sonymen qatar, shetelge shyǵý jáne elge kirý jónindegi deldaldar úshin mindetti tirkelý engiziledi. Zańsyz qyzmet úshin 750-den 7 500 dollarǵa deıin aıyppul qarastyrylǵan.