Almaty oblysy Jambyl aýdanynyń Qasymbek aýylynda qazaqstandyq SilkSpirits Ltd. kompanıasy jylyna 1,37 mln bótelgege deıin аlkogól ónimin shyǵarmaq. Bul týraly «Kýrsıvtiń» qaramaǵyna túsken jobanyń qysqasha tehnıkalyq emes túıindemesinde aıtylǵan, dep habarlaıdy infohub.kz saıty.
«Jeliniń óndiristik qýaty tyǵyndaý jabdyǵynyń ónimdiligimen anyqtalady jáne bir aýysymdyq jumys rejıminde (1 aýysym 8 saǵat, jylyna 250 jumys kúni) jylyna 1 071 000-nan 1 377 000-ǵa deıin daıyn ónim bótelkesin quraıdy, bul 0,5 l bótelkelerge quıý kezinde 53 550-68 850 dal ónimge, al 0,7 l bótelkelerge quıý kezinde 74 970-96 390 dal ónimge sáıkes keledi», – delingen qujatta.
Kásiporynnyń аlkogól ónimin shyǵarý jónindegi jobalyq óndiristik qýaty jylyna 300 myń lıtr deńgeıinde málimdelgen. Ónim shyǵarý 2026-2035 jyldarǵa josparlanǵan. Aýmaǵy 0,61 ga ýchaskede аlkogól ónimin óndiretin tehnologıalyq jelisi bar óndiristik korpýs, shıkizat pen daıyn ónim qoımasy, ákimshilik-turmystyq úı-jaılar, sondaı-aq qaptaý ýchaskesi qarastyrylǵan.
SilkSpirits Ltd. astyq dıstıllátyn (baıszú) daıyndaýdyń tolyq tehnologıalyq sıklindegi аlkogól ónimin – shıkizatty qabyldaý men daıyndaýdan bastap quıý, qaptaý, saqtaý jáne daıyn ónimdi jóneltýge deıin shyǵaratyn bolady.
Kompanıa spırt-shıkizatty óziniń astyq shıkizatynan óz betinshe óndirmek, sondyqtan daıyn nemese jartylaı óńdelgen spırtti satyp alý qajettiligi joq ekenin málimdeıdi. Spırt qarapaıym aıdaý ádisimen alynady. Negizgi shıkizat retinde júgeri – jylyna 400 tonna, arpa – jylyna 150 tonna, bıdaı – jylyna 100 tonna paıdalanylady, ıaǵnı astyq shıkizatyn óńdeýdiń jalpy kólemi jylyna 650 tonnany quraıdy.
Óndiris úshin jylyna 3,6 myń tekshe metr tehnologıalyq sý qajet – qaınatý, qanttandyrý, fermentasıalaý jáne kýpajdaý úshin. Spırttik ashytý úshin jylyna 12,6 tonna mólsherinde joǵary belsendi qurǵaq ashytqy jáne ashytqy (szúsúı) qoldanylady.
Bótelkelerdi toltyrý basqarý júıesi bar jáne saǵatyna 800-1500 bótelke ónimdiligi bar avtomatty quıý mashınasymen júzege asyrylady. Аlkogól ónimi syıymdylyǵy 0,25 lıtr (jylyna 100 myń dana), 0,5 lıtr (jylyna 150 myń dana), 0,7 lıtr (jylyna 100 myń dana) jáne 1 lıtr (jylyna 120 myń dana) shyny bótelkelerge quıylady.
Ashyq derekkózderge sáıkes, SilkSpirits Ltd. 2026 jylǵy 16 naýryzda NH saýda belgisin (аlkogóldi sýsyndar, syra jáne аlkogólsiz sýsyndar) tirkegen.
SilkSpirits Ltd. kompanıasynyń (2025 jylǵy 12 maýsymda Almaty oblysynyń Qasymbek aýylynda tirkelgen) jetekshisi jáne jalǵyz ıesi – Lı Lýnan. Ol sondaı-aq Almatydaǵy HX Global Logistics kompanıasyn (2025 jylǵy 14 naýryzda tirkelgen) basqarady jáne jalǵyz ózi ıelenedi.