Qazaqstan turǵyny áıel ózine tıesili úıden ákesin sot arqyly shyǵaryp jiberýge tyrysty. Daý kasasıalyq satyǵa deıin jetti, alaıda Joǵarǵy Sot er adamnyń jaǵyn qoldady, dep habarlaıdy infohub.kz saıty.
Kasasıalyq sottyń habarlaýynsha, áıel ákesin úı ıesi ekenin alǵa tartyp, shyǵaryp jiberýdi talap etken. Birinshi satydaǵy sot onyń talabyn qoldady. Alaıda apelásıalyq sot sheshimdi kúshin joıdy. Sýdıa jaýapker – talapkerdiń týǵan ákesi ekenin, onyń úıdi ıesimen teń paıdalanýǵa quqyǵy bar ekenin kórsetti.
Sonymen qatar, sot er adamnyń 2022 jylǵy qyrkúıekten bastap úıde zańdy túrde turyp jatqanyn, al qyzy osy ýaqyt boıy oǵan qarsylyq bildirmegenin anyqtady. Ony shyǵaryp jiberý onyń jalǵyz baspanasyna degen quqyǵyn buzar edi. Azamattyq ister jónindegi kasasıalyq alqa apelásıalyq satynyń tujyrymdarymen kelisip, qaýlyny ózgerissiz qaldyrdy. Osylaısha, ákesi qyzynyń ustanymyna qaramastan, onyń úıinde turý quqyǵyn saqtap qaldy.