Qyzylordada 21 jastaǵy júrgizýshi jol júrý erejelerin birneshe ret buzǵany úshin kólik basqarý quqyǵynan jeti jylǵa aıyrylyp, 15 táýlikke ákimshilik qamaýǵa alyndy. Bul týraly infohub.kz saıty habarlaıdy.
NUR.KZ portalynyń Polisia.kz-ke silteme jasap habarlaýynsha, beınebaqylaý kameralary jol júrý erejeleriniń birneshe buzylǵanyn tirkegen soń, polısıa dereý shara qoldandy. Buzýshy anyqtalyp, polısıa basqarmasyna jetkizildi.
İshki ister mınıstrliginiń aqparattyq medıaportalynyń dereginshe, tekserý barysynda er adamnyń kólikti mas kúıinde basqarǵany anyqtaldy. Ol Qyzylorda qalasynyń 21 jastaǵy turǵyny Nursultan Aıtbaev bolyp shyqty.
Sonymen qatar júrgizýshige qatysty manevr jasaý erejelerin buzǵany, tehnıkalyq baıqaýdan ótpeı kólik basqarǵany, apattyq jaǵdaı týǵyzǵany, sondaı-aq baǵdarshamnyń qyzyl tyıym salatyn belgisinen ótkeni úshin ákimshilik hattamalar toltyryldy.
Sot sheshimimen quqyq buzýshy 15 táýlikke ákimshilik qamaýǵa alynyp, kólik basqarý quqyǵynan jeti jylǵa aıyryldy. Avtomobıl aıyppul turaǵyna qoıyldy.
«Polısıa barlyq jol qozǵalysyna qatysýshylardy joldaǵy qaýipsizdik talaptaryn qatań saqtaýǵa jáne ózge azamattardyń ómiri men densaýlyǵyna qaýip tóndiretin áreketterge jol bermeýge shaqyrady», — dep qosty polısıada.
Buǵan deıin Jezqazǵanda polısıa talaptaryna baǵynbaǵan jáne kólikti mas kúıinde basqarǵan júrgizýshiniń 35 táýlikke qamalǵany habarlanǵan bolatyn.