Reseılik jas ánshi jáne avtor-oryndaýshy Anna Fadeevanyń jańa áni áli resmı jaryq kórmese de, áleýmettik jelide vırýsqa aınaldy. Paıdalanýshylar pikirlerde bul trek shyqqannan keıin jazdyń basty hıtteriniń biri bolatynyna senimdi, dep habarlaıdy infohub.kz saıty.
Anna Fadeeva – Reseıden shyqqan jas oryndaýshy. Ol mýzyka men mátinderdi ózi jazady jáne áleýmettik jelilerde belsendi túrde tanystyrylyp júr. Mýzykalyq qyzben qatar aǵylshyn tilinen sabaq beredi jáne jazylýshylaryna basty maqsaty – «dańqqa jetý jáne charttardy jaýlap alý» ekenin ashyq aıtady. Onyń Instagram akkaýntynda 16 myńnan astam jazylýshy bar.
Trektiń resmı shyǵarylymy 24 shildege josparlanǵan, biraq úzindi birneshe kún boıy Instagram-da taralyp jatyr. Qaıyrmasynda ánshi azıalyq halyqtardy: qytaılardy, japondardy, qazaqtardy jáne býráttardy tizip, orys mátinin qytaı sóz tirkesterimen almastyrady.
Paıdalanýshylar qaıyrmanyń áýeni birinshi ret estigennen-aq basqa kirip ketetinin jazady. Ánshiniń vıdeosyna tolyq nusqany tezirek jarıalaýdy suraǵan kóptegen pikirler qaldyrylǵan.
«Ol aǵylshyn tilinen de sabaq beredi eken! Tirkelińizder, ha-ha»
«Siz maǵan usynystarda kezdesip, men ár joly birneshe ret tyńdap qalamyn!»
«Netken sulý», – dep jazady paıdalanýshylar.
Buǵan deıin qazaqstandyq R&B oryndaýshysy M’Dee (Madıar Toktarov) Almaty men Astanada eki iri konsert ótkizetinin habarlaǵan bolatyn. Ártis dástúrli jigitter keshiniń ornyna ómiriniń jańa kezeńin jankúıerlerine arnalǵan konserttermen atap ótýdi jón kórdi.