Reseı Syrtqy ister mınıstrligi Japonıa premer-mınıstri Sanae Takaıtıdiń Vladımır Pýtınniń Kýrıl araldaryna saparyn synaǵan málimdemelerine baılanysty qatań narazylyq bildirdi, dep habarlaıdy infohub.kz saıty.
Reseı SİM baspasóz qyzmetiniń málimetinshe, 18 tamyzda Reseıdegi Japonıa elshisi Akıra Mýto Reseı SİM-ne shaqyrtyldy. Vıse-mınıstr Mıhaıl Galýzın japon dıplomatyna Japonıa premer-mınıstri Sanae Takaıtıdiń Vladımır Pýtınniń Itýrýp aralyna saparyna qatysty reseıge qarsy pikirlerine baılanysty qatań narazylyq bildirdi.
Reseı tarapynyń málimdemesinde Ońtústik Kýrıl araldaryna Reseıdiń egemendigi men ıýrısdıksıasy myzǵymas ekeni atap kórsetildi. Bul aýmaqtar Ekinshi dúnıejúzilik soǵys qorytyndysy boıynsha bizdiń elge ótken, bul Odaqtas derjavalardyń tıisti kelisimderi men BUU Jarǵysynda bekitilgen. Japon tarapynyń bul aıqyn shyndyqty tikeleı nemese janama túrde kúmánǵa salý áreketteri múldem qabyldanbaıdy jáne zańsyz.
Tokıonyń Reseıge qarsy ujymdyq Batystyń sanksıalyq saıasatyna ilesýin jalǵastyryp, Kıev rejımin qoldaýy aıasynda japon dıplomatıalyq mısıasynyń basshysyna Máskeýdiń tıisti qarsy sharalar qoldaný quqyǵyn ózine qaldyratyny eskertildi.
Eske salaıyq, ótken aptada Reseı prezıdenti Vladımır Pýtın Kýrılge alǵash ret barǵan edi, bul Tokıoda qatty reaksıa týdyrdy. Japon tarapy qatań narazylyq bildirip, japon halqynyń sezimine tıiskenin málimdedi. Premer-mınıstr Sanae Takaıtı Kýnashır, Shıkotan, Itýrýp jáne Habomaı araldaryn Tokıo Soltústik aýmaqtar dep ataıtynyn, olar tarıhı turǵydan da, halyqaralyq quqyq boıynsha da Japonıanyń túpkiri ekenin aıtty.
Kóp uzamaı Reseı SİM resmı ókili Marıa Zaharova jaýap málimdeme jasap, Sanae Takaıtıdiń pikirleri óte narazylyq týdyratynyn jáne múldem qabyldanbaıtynyn atap ótti. Zaharova barlyq Kýrıl araldary Reseıdiń ajyramas bóligi ekenin aıtty.