Ýkraına astanasy Kıevke reseılik kúshterdiń túngi shabýylynan keminde úsh aýdanda órt shyqty, dep habarlaıdy infohub.kz saıty.
Qala ákimi Vıtalı Klıchkonyń aıtýynsha, balıstıkalyq zymyrandarmen soqqy jasalǵan. Áýe dabyly shamamen 50 mınýttan soń alynyp, áskerı áýe kúshteri zymyran qaýpi týraly eskertýdi alyp tastady.
Klıchko ortalyq aýdandaǵy kópqabatty úıdiń jetinshi jáne segizinshi qabattarynda órt shyqqanyn aıtty. Beıresmı arnalar qalanyń ár túkpirinde órt bolǵanyn habarlady.
Qaza tapqandar men zardap shekkender týraly derekter ázirge joq. Reuters agenttiginiń kýágerleri qaıtalanǵan jarylystardy estigenderin habarlady.
Ýkraına prezıdenti Vladımır Zelenskı juma kúni Reseıdiń aldaǵy 48 saǵat ishinde jańa shabýyldar jasaýy múmkin ekenin eskertti.