Reseıdiń Federaldyq monopolıaǵa qarsy qyzmeti (FAS) Apple korporasıasyna qatysty is qozǵady. Sebep — kompanıanyń qurylǵylaryna MAX messendjeri men RuStore qosymshalar dúkenin ornatý múmkin emestigi, dep habarlaıdy infohub.kz saıty.
«Izvestıa» gazetiniń dereginshe, FAS Apple-ǵa qatysty tergeýdi bastady, óıtkeni iPhone men iPad-ge atalǵan qosymshalar ornatylmaıdy. Buǵan deıin qyzmet kompanıadan reseılik izdeý júıelerine qatysty kemsitýshilik jaǵdaılardy joıýdy jáne iOS júıesindegi qurylǵylarǵa baǵdarlamalyq jasaqtamany aldyn ala ornatý talaptaryn oryndaýdy suraǵan.
Eskertýge negiz bolǵan — Apple qurylǵylarynda ádepki boıynsha sheteldik izdeý júıesi ornatylǵan, bul Reseı zańnamasyna qaıshy keledi. Jergilikti zańdar boıynsha, Reseıde satylatyn tehnıka reseılik izdeý júıesin nemese EAEO elderiniń uqsas qyzmetin qoldaýy tıis.
Vedomstvo málimdegendeı: «Kompanıa FAS-tyń iOS operasıalyq júıesindegi qurylǵylarǵa ulttyq messendjer men otandyq qosymshalar dúkenin aldyn ala ornatý jónindegi eskertýin oryndamady».