Reseıdiń Memlekettik Dýmasy mobılızasıa kezeńinde jáne erekshe kezeńderde Qorǵanys mınıstrligimen kelisimshart jasasýǵa ruqsat etiletin, sottylyǵy alynbaǵan nemese ótelmegen azamattar sanatynyń tizimin keńeıtti, dep habarlaıdy NUR.KZ RBK-ǵa silteme jasap.
Qujatty Reseı úkimeti 17 shildede engizgen edi, al keshe Memlekettik Dýma mobılızasıa kezeńinde Reseı Qarýly Kúshterimen sottylyǵy alynbaǵan nemese ótelmegen azamattarǵa kelisimshart jasasý múmkindigin keńeıtetin zań jobasyn qabyldady.
Keńeıtilgen tizimge Qylmystyq kodekstiń myna baptary endi: qolma-qol aqshany, esirtki quraldaryn, patogendi bıologıalyq agentterdi, qarýdy, ıadrolyq materıaldardy nemese jarylǵysh zattardy kontrabandalaý; bandıtızm jáne qylmystyq qoǵamdastyq uıymdastyrý; kúzetiletin obektilerge zańsyz kirý; otyn-energetıka kesheni obektileriniń qaýipsizdigin buzý jáne ıadrolyq materıaldarmen zańsyz aınalysý; memlekettik qupıany qamtıtyn qujattardy joǵaltý; zańsyz kóshi-qondy uıymdastyrý; ıadrolyq materıaldardy urlaý.
Reseı Qorǵanys mınıstrligi qujatta sottylyǵy bar adamdar úshin qatań baqylaý jáne arnaıy bólimsheler qurý kózdelgenin atap ótti.