Reseılik reper Djıgannyń úıinde atys bolýy múmkin degen aqparat taraǵan soń, tek polısıa ǵana emes, Resgvardıa da tekserýge kiristi, dep habarlaıdy infohub.kz saıty.
SHOT Telegram-arnasynyń dereginshe, Resgvardıa qyzmetkerleri reper barǵan Máskeý túbindegi barlyq atys klýbtaryna qońyraý shalyp jatyr. Ol týraly ishki statısıka suratylýda: qansha ýaqyt bolǵany, qarýy men usynǵan anyqtamalary týraly málimetter. Sonymen qatar, Djıgannyń esi durys bolǵan-bolmaǵany, ózin qalaı ustaǵany jáne belgilengen erejelerdi saqtaǵan-saqtamaǵany anyqtalýda.
Úıdegi atys boljamynan keıin Denıs Ýstımenko-Vaınshteınniń qarý ustaýǵa medısınalyq anyqtamalardy qalaı alǵany jáne qarý medısınalyq komısıasynan qaıda ótkeni de tekserilýde.
Aıta keteıik, qazir Reseıde qarýdy zańdy túrde ustaý úshin turǵylyqty jeri boıynsha Resgvardıa bergen ruqsat qajet. Qarý qulyptalatyn seıfte saqtalýy tıis, al kilt tek ıesinde bolýy kerek.
Buǵan deıin BAQ-ta reper Djıgan adamdardy kepilge alyp, óz úıinde atys shyǵardy degen aqparat paıda bolǵan. Alaıda onyń advokaty Sergeı Jorın bul aıyptaýlardy jalǵan dep málimdedi.
Sonymen qatar, Reseıdegi polısıa atys týraly habarlardan keıin tekserýdi báribir bastady.
Budan bólek, Oksana Samoılova burynǵy kúıeýi Djıgandy ata-analyq quqyǵynan shekteýdi surap, sotqa talap aryz bergeni belgili boldy.