Brıtandyq Revolut qarjy servısi bet-álpetti taný tehnologıasymen satyp alýlardy tóleýdiń pılottyq jobasyn bastady: aqsha aýdarý úshin satyp alýshyǵa jaı ǵana kúlimsireý jetkilikti, dep habarlaıdy infohub.kz saıty.
«Pay with Smile» dep atalatyn jańa fýnksıa qarapaıym dúkenderde satyp alýdy bir-aq ret basý arqyly jasaýǵa múmkindik beredi. Úderis smartfondy qulyptan shyǵarýǵa uqsaıdy: termınal kamerasy betti skanerlep, ony paıdalanýshy bankte tirkelý kezinde bergen bıometrıalyq derektermen salystyrady. Alaıaqtardan qorǵaý úshin barlyq derekter shıfrlanady, al dúkender klıentterdiń jeke aqparatyna qol jetkize almaıdy.
Ázirleýshiler qyzmettiń tolyǵymen erikti ekenin atap ótti. Fýnksıa ózdiginen qosylmaıdy — ony qoldanba parametrlerinde ózińiz qosýyńyz kerek, al kelisimdi kez kelgen ýaqytta joıýǵa bolady. Satýshylardy tartý úshin servıs osyndaı tólemderdi óńdeý komısıasyn ýaqytsha alyp tastady, bul shaǵyn mekemelerge shyǵyndy azaıtýǵa kómektesýi tıis.
Júıeni synaqtan ótkizý Londonnyń birneshe tanymal kofehanasynda bastalyp ketti. Kompanıa tólemniń jańa tásili kasalardyń jumysyn jeńildetip, satyp alýshylardy plasık kartalardy nemese telefondy shyǵarý qajettiliginen qutqarady dep úmittenedi. Jaqyn arada ázirleýshiler termınaldar jelisin keńeıtip, júıeni basqa saýda núktelerinde iske qosýdy josparlap otyr.