Shyǵys Qazaqstan oblysyndaǵy Rıdder mańynda elektr berý jelilerin tartý jumystary segiz jylǵa sozylyp ketti, dep habarlaıdy infohub.kz saıty. Qoryqtar men demalys bazalaryna aparatyn beton baǵanalar men elektr komýnıkasıalary áli kúnge deıin tokqa qosylmaǵan.
Sonymen qatar, taıgaly aımaqta turatyn jergilikti turǵyndar 40 jyldan beri elektr qýatyn benzın generatorlarymen alyp keledi.
Málim bolǵandaı, elektr jelisin salýǵa 2017 jyly-aq búdjetten 700 mln teńgeden astam qarajat bólingen. Onyń 400 mln teńgesi ıgerilgen, alaıda joba aıaqtalmaı qalǵan, al merdigerge aıyppul tólengen.
Keıinnen qurylys búrokratıalyq kedergilerge baılanysty toqtatyldy. Elektr berý jelileri memlekettik orman qorynyń jerinen ótkeni, al onda elektr jelilerin montajdaýǵa tyıym salynǵany anyqtaldy. Degenmen qazirgi tańda jer zańnamasynyń normalary jeńildetilip, ınjenerlik jelilerdi montajdaý jekelegen jaǵdaılarda ruqsat etiletin boldy. Sondyqtan jergilikti bılik jobany qaıta jandandyrýdy kózdep otyr.
«Qazir zańnamaǵa ózgerister engizildi. 2017 jyly zań júzinde qatań tyıym salynǵan bolsa, búginde ınfraqurylymdyq jobalarǵa – joldar, baılanys, elektr berý jelileri – barlyq múddeli memlekettik organdarmen kelisim boıynsha júrgizýge bolady», – dedi Rıdder ákiminiń orynbasary Qanybek Tóleýhan.