Shyǵys Qazaqstan oblysynyń Rıdder qalasynda qaıǵyly oqıǵa boldy: sporttyq mototehnıkany basqarǵan 13 jastaǵy qyz atqa baılanǵan arqanǵa ilinip, qaza tapty. Oqıǵa turǵyn úıdiń mańynda bolǵan, dep habarlaıdy infohub.kz saıty.
Shyǵys Qazaqstan oblysy polısıa departamentiniń málimetinshe, aldyn ala anyqtalǵandaı, jasóspirim baǵanaǵa baılanǵan arqanǵa ilinip, mert bolǵan. Alǵan jaraqattary saldarynan qyz oqıǵa ornynda qaıtys boldy. Taǵy bir kámeletke tolmaǵan — 15 jastaǵy jolaýshy — aýrýhanaǵa jatqyzyldy.
Osy fakti boıynsha Rıdder qalalyq polısıa bólimi abaısyzda ólimge ákep soqtyrǵany úshin qylmystyq is qozǵady. Qazirgi ýaqytta oqıǵanyń barlyq mán-jaıy anyqtalyp jatyr. Janýardyń ıesi anyqtalyp, polısıa bólimine jetkizildi.
Polısıada qylmystyq istiń tergeý barysy SHQO PD bastyǵynyń baqylaýynda ekenin atap ótti. Quqyq qorǵaý organdary aýyl sharýashylyǵy janýarlarynyń ıelerine mal jaıý erejelerin qatań saqtaý qajettigin eskertedi: avtomobıl joldarynyń mańynda mal jaıýǵa jáne aıdaýǵa tyıym salynady.