Rımde arheologtar X ǵasyrdyń 20 anglosakson monetasyn tapty. Bul olja Anglıadan kelgen qonystanýshylardyń óz aqshasymen tóleýge Rım Papasynan arnaıy ruqsat alǵanyn rastaıdy, dep habarlaıdy infohub.kz saıty.
Artefaktiler Vatıkan mańyndaǵy Palasso della Rovere baǵynyń astynan tabyldy. Olardyń ishinde — Edýard Aǵa kоról men onyń nemereleri bılik qurǵan kezde soǵylǵan 19 kúmis pennı jáne bir jarty pennı. Monetalar qazyna retinde jasyrylmaǵan, jeke-jeke nemese shaǵyn toptarmen jatqan. Kembrıdj ýnıversıtetiniń ǵalymdarynyń aıtýynsha, olardy jergilikti bazardaǵy qolónershiler men satyp alýshylar joǵaltqan.
Buryn Rım Papasy qala aýmaǵynda bóten aqshamen tóleýge qatań tyıym saldy dep eseptelgen. Alaıda brıtandyq Schola Saxonum kvartaly erejeden tys qalǵan. Aǵylshyn aqshasymen qatar arheologtar papa monetasyn da tapty. Bul eki valútanyń da aımaqta bir ýaqytta aınalymda bolǵanyn dáleldeıdi.
Aqshadan bólek ǵalymdar teri, súıek jáne metal óńdeý izderin baıqaǵan. Bul aýdanda Anglıadan kelgen júzdegen adam turyp, tolyqqandy saýda-qolóner ortalyǵyn qurǵan. Katolık áleminiń ortalyǵynyń dál janynda óz monetalaryn paıdalaný quqyǵy olardyń erekshe mártebesin jáne papalyqpen tyǵyz baılanysyn kórsetti.