Qazaqstandyq veloshabandozy Rınata Sultanova Japonıada ótken Azıada-2026 oıyndarynyń toptyq tasjol jarysynda segizinshi orynǵa turaqtady. Ol qashyqtyqty 2 saǵat 52 mınýt 41 sekýndta júrip ótip, jeńimpazdan 2 mınýt 36 sekýndqa qalyp qoıdy, dep habarlaıdy infohub.kz saıty.
Qazaqstannyń taǵy eki ókili alǵashqy ondyqqa kire almady. Elızaveta Sklárova 2:55:52 nátıjesimen 15-orynǵa turaqtap, kóshbasshydan 5 mınýt 47 sekýndqa artta qaldy. Vıoleta Kazakova bolsa 23-oryndy ıelendi — 2:58:00 (+7:55).
Altyn medaldi qytaılyq Lı Go jeńip aldy, ol qashyqtyqty 2:50:05 ýaqytta baǵyndyrdy. Aýǵanstandyq Farıba Hashımı de dál osyndaı ýaqyt kórsetip, ekinshi orynǵa shyqty. Qola Gonkong ókili Leýng Vın Iıge buıyrdy — 2:50:46.
Azıa oıyndary-2026. 22 qyrkúıek. Velosport. Toptyq tasjol jarysy. Áıelder. 1. Lı Go (Qytaı) — 2:50:05. 2. Farıba Hashımı (Aýǵanstan) — 2:50:05. 3. Leýng Vın Iı (Gonkong) — 2:50:46. 8. Rınata Sultanova (Qazaqstan) — 2:52:41. 15. Elızaveta Sklárova (Qazaqstan) — 2:55:52. 23. Vıoleta Kazakova (Qazaqstan) — 2:58:00.
Sultanova úshin bul aǵymdaǵy Azıadadaǵy ekinshi jarysy edi. 20 qyrkúıekte qazaqstandyq shabandoz jekeleı bólek starttyq jarysta jeńiske jetip, Qazaqstan quramasyna Oıyndardaǵy alǵashqy altynyn syılady.
Oıyndardyń resmı ashylýy 19 qyrkúıekte ótti. 45 eldiń sportshylary qatysatyn keshendi jarystarda 460 medal jıyntyǵy sarapqa salynady: 217-si — erler arasynda, 204-i — áıelder arasynda, 39-y — aralas razrádtarda. Azıada-2026-da Qazaqstan quramasynyń namysyn 35 sport túrinen 558 sportshy qorǵaıdy.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sultanova men Alekseı Lýsenko, sondaı-aq karateshiler Jolaman Bıgabyl men Sofá Berýlseva. Ekinshi kúnnen keıin Qazaqstan beıresmı komandalyq esepte tórtinshi orynda turdy.