Qaraǵandy oblysynda Qazaqstanda alǵash ret jasandy ıntellekt elementteri bar robot-ıt qyzmetke kiristi, dep habarlaıdy infohub.kz.
17–18 shildede Balqash pen Temirtaýda metalýrgter kúnine arnalǵan merekelik sharalar ótti. Polısıa málimetinshe, oǵan 115 myńnan astam adam qatysty. Qoǵamdyq tártipti qamtamasyz etý úshin myńnan astam qyzmetker jumyldyryldy, al basty tehnologıalyq jańalyq – İshki ister mınıstrliginiń aqparattyq bazalarymen ıntegrasıalanǵan robot-ıt boldy.
Jasandy ıntellekt júıesiniń arqasynda qurylǵy polısıa kórip turǵan adamdardyń bet-álpetin naqty ýaqyt rejıminde tanıdy. Alǵashqy kezekshilik kezinde-aq tehnologıa tórt adamdy anyqtaýǵa kómektesti: alıment tóleýden jaltarǵan azamat, eki memlekettik boryshker jáne buryn sottalǵan, úıden tys júrýge sot belgilegen shekteýdi buzǵan er adam. Olardyń barlyǵyna zańda kózdelgen sharalar qoldanyldy.
Jappaı sharalar kezinde polıseıler balalardyń qaýipsizdigine erekshe kóńil bóldi. Kóp myńdaǵan qalyń jurttyń arasynan qyzmetkerler 3 pen 17 jas aralyǵyndaǵy 87 joǵalǵan balany tapty. Olardyń barlyǵy ata-analaryna jedel qaıtaryldy.