Qaraǵandy oblysynyń oqýshylary Tomskide ótken robot tehnıkasyn jasaý boıynsha jarysta sáttilikke qol jetkizdi, dep bilim berý basqarmasynyń baspasóz qyzmeti habarlaıdy.
Qaraǵandylyqtar Tomsk oblysy gýbernatorynyń Kýbogyn ıelendi. «Daryn» mamandandyrylǵan mektep-ınternat komandasy «Kegerlıng» sanatynda birinshi oryndy, «Robottar bıi» sanatynda - úshinshi oryndy jeńip aldy. «Sýmo» sanatynda ekinshi oryn Qaraǵandy №1 qazaq-túrik lıseıi komandasynyń enshisine tıdi. Jezqazǵan № 3 qazaq-túrik lıseıiniń komandasy «Týdy jaýlap alý» sanatynda ekinshi oryn aldy», - delingen habarlamada.
Jeńimpazdar men júldegerlerge kýboktar, dıplomdar, medaldar, sondaı-aq «Lego» estelik syılyqtary berildi. Uıymdastyrýshylar aqparaty boıynsha, jarysqa mektepke deıingi jáne mektep jasyndaǵy 200-den astam bala qatysqan. Qazaqstannan Qaraǵandy jáne Pavlodar oblysynyń oqýshylary bardy.