81 jastaǵy brıtandyq rok-ánshi Rod Stúart júregine josparly ota jasatyp, «One Last Time» qoshtasý týryn ýaqytsha toqtatýǵa májbúr boldy. Dárigerlerdiń keńesi boıynsha ánshi tórt aptalyq úzilis alady, osyǵan baılanysty onyń jaqyn aradaǵy konsertteri bolmaıdy, dep habarlaıdy infohub.kz saıty.
Ánshiniń ókili onyń koronarlyq arterıalarǵa stend qoıý prosedýrasyn sátti ótkergenin rastady. Dárigerler onyń qalpyna kelýine rıza bolyp, ánshige kúndelikti ómirge oralýǵa ruqsat berdi, biraq sahnaǵa qaıta shyǵar aldynda bir aı úzilis jasaýdy qatań usyndy.
Ońaltýǵa baılanysty mýzykant Klıvlend pen Sınsınnatıdegi aldaǵy konsertterin, sondaı-aq Caesars Palace keshenindegi Las-Vegastaǵy birqatar shoýlaryn toqtatty. Soltústik Amerıka men Meksıkadaǵy óner kórsetýler qyrkúıektiń basyna deıin josparlanǵan edi. Uıymdastyrýshylar kúnderdiń ózgerýi týraly aqparatty jarıalaýǵa ýáde berdi.
Stúarttyń ózi dárigerlerge kútim jasaǵany úshin alǵys aıtyp, ózin áldeqaıda jaqsy sezinetinin málimdedi. Ánshi bolmaı qalǵan shoýlarǵa renjigenin, biraq jaqyn arada gаstrólderin qaıta jalǵastyrýǵa úmittenetinin aıtty. Óziniń mansabynda aty ańyzǵa aınalǵan roker 250 mıllıonnan astam álbom satqan jáne eki ret Rok-n-roll dańq zalyna engizilgen.