Fýtbolshy Krıshtıaný Ronaldý men onyń súıiktisi Djordjına Rodrıges taǵy da úılenbedi, buǵan deıin BAQ rásimniń orny men ýaqyty týraly egjeı-tegjeıli habarlaǵanyna qaramastan. Ataqty juptyń neke qıýy ótýi tıis delingen hramǵa múlde basqa adamdar keldi, al kireberiste sportshynyń myńdaǵan jankúıeri jınaldy. Ronaldýdyń bul qyzyq jaǵdaıǵa qalaı reaksıa bildirgenin Kursiv LifeStyle anyqtady... dep habarlaıdy infohub.kz.
Eske salaıyq, BAQ fýtbolshynyń jaqyn arada úılenetinin ekinshi ret jarıalap otyr. Aldymen rásim Portýgalıadaǵy Kınta-da-Regaleıra saraıynda tamyzdyń alǵashqy demalys kúnderi ótedi dep josparlanǵan edi. Alaıda ıspandyq BAQ keıinirek bul aqparatty joqqa shyǵardy.
Ekinshi ret neke qıý rásimi tamyzdyń segizinde Ronaldýdyń kishi otany Madeırada kútildi. Brıtandyq The Sun tabloıdy tipti naqty orny men ýaqytyn atady. Myńdaǵan jankúıer óz kýmırin kórý úshin keldi, biraq habar taǵy da jalǵan bolyp shyqty.
Al bul kúni Fabıo Ramostyń jáne Fatıma Nıkol Kýná Teısheıranyń basyna kútpegen daqpyrt jaýdy. Dál osy jup sol kúni otbasy boldy. Kelinshek vintajdyq Rolls-Royce-pen Madeıra kafedraldy soboryna kelgende, ony fýtbolshynyń jankúıerleri qyspaqqa ala bastady. Olardyń biri bul essizdikti toqtatýǵa tyrysyp, qatty aıqaılady: «Bul Djordjına emes!».
Keıin bul týraly aqparat Madeıra basylymdarynyń birinde paıda boldy. Ronaldý bul oqıǵaǵa reaksıa bildirip, jazbanyń astyna birneshe kúlip turǵan smaılık qaldyrdy. Eske salaıyq, 41 jastaǵy shabýylshy men onyń qalyńdyǵy ózderiniń úılený toıy týraly qaýesetterge eshqandaı túsinikteme bermegen.
Buǵan deıin Kursiv LifeStyle ÁCH-2026 sońǵy machynda álemniń túkpir-túkpirinen kelgen jankúıerler Ronaldýmen birge kóz jasyn tyımaǵanyn jazǵan edi.