Reseı Ýkraınadaǵy janjaldy saıası-dıplomatıalyq jolmen retteýge jáne jańa usynystardy talqylaýǵa daıyn ekenin rastady, dep habarlaıdy infohub.kz saıty.
Brıfıńte Reseı Syrtqy ister mınıstrliginiń resmı ókili Marıa Zaharova: «Biz óz tarapymyzdan Ýkraına daǵdarysyn saıası-dıplomatıalyq jolmen retteýge daıyn ekenimizdi rastaımyz, biz budan eshqashan bas tartqan emespiz, biraq ózara túsinistik negizinde, onyń ishinde Aláskada qol jetkizilgen kelisimderdi eskere otyryp», — dedi. Sondaı-aq ol Máskeý retteý boıynsha yqtımal bastamalar men usynystardy talqylaýǵa daıyn ekenin atap ótti: «Biz budan eshqashan bas tartqan emespiz».
Buǵan deıin Qazaqstan Prezıdenti Qasym-Jomart Toqaev Ombyda Reseı Prezıdenti Vladımır Pýtınmen kezdesýde áskerı is-qımyldardy toqtatýǵa shaqyrǵan bolatyn. Reseı Prezıdentiniń baspasóz hatshysy Dmıtrı Peskov Toqaevtyń sózderi olar úshin kútpegen jaǵdaı bolmaǵanyn aıtty. Al Ýkraına Syrtqy ister mınıstri Andreı Sıbıga Qasym-Jomart Toqaevty Ýkraınadaǵy soǵysty toqtatýǵa shaqyrǵany úshin alǵys bildirip, bul málimdemeni «shynaıy, ýaqtyly jáne dana sıgnal» dep atady.