АҚШ Мемлекеттік хатшысы Марко Рубио журналистерге Ақ үйдің басшысы Дональд Трамптың Мәскеумен қақтығысты бейбіт реттеу мәселесіндегі Украинаның ұстанымына қатты ашуланғанын жеткізді, деп хабарлайды infohub.kz сайты.
Рубионың айтуынша, бұл жай ғана наразылық емес: Ақ үйдің басшысы осы келіссөздерге шамамен екі жыл уақытын жұмсағанымен, онда ілгерілеушілік болмағанына ашулы.
«Президент наразы... Ол бұл келіссөздерге шамамен екі жыл уақытын жұмсағанымен, ілгерілеушілік болмағанына әбден ашулы және наразы», — деді АҚШ Мемлекеттік хатшысы.
Бұған дейін Дональд Трамп Владимир Зеленскийді сынға алып, Украинаға мәміле жасай алатын жаңа көшбасшы табу қажет екенін айтқан болатын.
Өз кезегінде Украина президенті Владимир Зеленский Bloomberg агенттігіне берген сұхбатында Трамптың саясаты Киевті берілуге итермелеп отырғанын мәлімдеді.
Сонымен қатар бұқаралық ақпарат құралдарында АҚШ президенті мен оның командасы Украинаға Ресей шарттарымен бейбіт мәмілені таңуды көздеп отырғаны туралы мәліметтер жарияланған.