Qyrǵyzstan prezıdenti Sadyr Japarov Talasta el táýelsizdiginiń 35 jyldyǵyna arnalǵan saltanatta shetelde turatyn qyrǵyzdardy qatty synǵa alyp, manqurttyqqa aıyptady, dep habarlaıdy infohub.kz saıty.
Aımaqtyq basylymnyń málimetinshe, memleket basshysy shetelde júrgen keıbir otandastaryn synǵa aldy. Sonymen qatar ol shetelde eńbek etip júrgen qyrǵyzstandyqtarǵa el ekonomıkasyna qosqan úlesi úshin jeke alǵys aıtty.
Shyńǵys Aıtmatovtyń shyǵarmashylyǵyna toqtalǵan Sadyr Japarov manqurt beınesin jáne óz tarıhyn, tilin, mádenıetin umytqan qoǵamnyń tragedıasyn eske saldy.
«Shetelde júrgen sondaı uldarymyz sol jerden tapqan bir úzim nan úshin óz elinde bolyp jatqan jaqsy isterden de jamandyq izdep, manqurttyq tanytady. Biz olardy tárbıelep, tártipke shaqyrýǵa tyrysamyz», — dedi Sadyr Japarov qyrǵyz tilinen aýdarǵanda.
Ol kimderdi naqty aıtyp otyrǵanyn jáne qandaı sharalardy kózdep otyrǵanyn prezıdent naqtylamady.
Keıinirek sol sózinde Sadyr Japarov Qyrǵyz Respýblıkasynan tys jerde ondaǵan jyl boıy turyp, eńbek etip júrgen otandastaryna sóz arnady. Ol týǵan jerden jyraqta olardyń qundylyǵy men eline degen súıispenshiligi erekshe seziletinin atap ótti.