2026 jylǵy 21 qazannan bastap Qazaqstanda kólik quraldary ıeleriniń azamattyq-quqyqtyq jaýapkershiligin mindetti saqtandyrý (KQAJMS) boıynsha saqtandyrý tólemderi tek qolma-qol aqshasyz nysanda júzege asyrylady. Aqsha qarajaty paıda alýshylardyń banktik shottaryna aýdarylady, dep habarlaıdy infohub.kz saıty.
Qarjy naryǵyn retteý jáne damytý agenttiginiń (QNRDA) túsindirmesinshe, banktik aýdarymdar men aqshany esepke alý shyǵyndaryn saqtandyrý uıymy tóleıdi, bul saqtandyrý tólemin eshqandaı komısıa ustalmaı, tolyq kólemde alýdy qamtamasyz etedi.
Bul reforma saqtandyrý tólemderiniń ashyqtyǵyn arttyrýǵa, tutynýshylardyń quqyqtaryn qorǵaýǵa jáne Qazaqstannyń saqtandyrý naryǵynda sıfrlyq qyzmetterdi odan ári damytýǵa baǵyttalǵan. Qolma-qol aqshasyz esep aıyrysýǵa kóshý zalaldardy retteýdiń ashyq emes sqemalaryn joıýǵa múmkindik beredi jáne aqshany tikeleı zardap shekken adamnyń alýyna kepildik beredi.
Jańashyldyq 2026 jylǵy 21 qazannan bastap kúshine enedi.
Buǵan deıin Qazaqstanda júrgizý stıli men aıyppuldar saqtandyrý qunyna áser etetini habarlanǵan bolatyn.