Menen sálem aıtqaısyń suraǵanǵa,
Suraǵaısyń, úı-ishi din aman ba.
Ómir keship jatyr de ol da ózinshe,
Tirlik kerek, árıne, tiri adamǵa.
Degeısiń bolmashyǵa qamyǵyp júr.
Bolmasa, barlyǵy da tabylyp júr.
Qulyn-taıdaı teń ósken qurbylaryn,
Degeısiń saǵynyp júr, saǵynyp júr.
Aıtqaısyń jaǵdaıymdy óziń kórgen,
Aman de ázirge tek kóz ilgennen.
Kúızelip kúndiz-túni tynym almaı,
Kúresip jatyr degen sezimdermen.
Syrtyn berip dostary ketkenine,
Ókinbeıdi degeısiń, ótkenine.
Tabys etip bar syryn jiberdi de,
Kózden ushqan kóńildiń kepterine.
Armandaıdy degeısiń, qıaldaıdy,
Qaıda barsa, bir basy syıa almaıdy.
Sender ony umytyp ketseńder de,
Degeısiń, senderdi ol qıa almaıdy.

---