Ekonomıs Arman Bataevtiń pikirinshe, taý-ken holdıńi ERG aksıalarynyń 40 paıyzyn «Samrýk-Qazyna» qoryna berý kompanıany qarjylandyrý qajettiligine baılanysty bolýy múmkin. Onyń aıtýynsha, úkimet bul aktıvti qordy qoldaý úshin paıdalana alady, al bolashaqta «Samrýk-Qazyna» ERG jáne basqa da kompanıalarynyń aksıalaryn bırjaǵa shyǵara alady, dep habarlaıdy infohub.kz.
Sarapshy aksıalardy berý ózara eseptesý arqyly, aqsha qarajatynsyz júzege asqanyn atap ótedi: úkimet «Samrýk-Qazynanyń» jańa aksıalaryn ERG aksıalarymen tólegen. Bataev budan ári ERG-degi úles qordyń beıindi taý-ken kompanıasy «Taý-Ken Samrýkqa» berilýi múmkin dep boljaıdy.
ERG úshin basty artyqshylyq – «Samrýk-Qazyna» tarapynan qarjylandyrýǵa qol jetkizý. Buǵan deıin Qarjy mınıstrliginiń memlekettik múlik komıteti kompanıany búdjetten tikeleı qarjylandyra almaıtyn. Al qor sheteldik kapıtal naryqtarynda qarajat tartyp, ony ERG qosa alǵanda, enshiles qurylymdarǵa ınvestısıalyq jobalardy júzege asyrýǵa nemese qymbat nesıelerdi qaıta qarjylandyrýǵa baǵyttaı alady.
Bataev ERG qazir aıtarlyqtaı qarjy tapshylyǵyn sezinip, ásirese reseılik kredıtorlar aldynda joǵary qaryz júktemesi bar ekenin atap kórsetedi. «Samrýk-Qazyna» qaryzdy qaıta qarjylandyrýǵa jáne jańa jobalardy iske qosýǵa kómektese alady. Sonymen qatar, ERG-niń problemalary qordyń óz problemalaryna aınalady.
Sarapshy aktıvti kapıtal naryǵy arqyly monetızasıalaý áleýetin de kóredi. «Samrýk-Qazyna» ERG-niń IPO-syn ótkize alady, óıtkeni holdıń buryn ashyq kompanıa bolǵan. Sonymen qatar, qor ERG, «Qazsınk», «Qazaqtelekom», Kcell sıaqty jetilgen portfeldik kompanıalardyń 10-20 paıyz aksıalaryn qamtıtyn jeke ınvestısıalyq qor (ETF) quryp, ony Londonda nemese Gonkongta IPO-ǵa shyǵara alady.
«İri portfeldik kompanıalardyń mınorıtarlyq paketteri jınaqtalǵan ETF ornalastyrý «Samrýk-Qazynanyń» basty mindetteriniń birin sheshýge múmkindik beredi – qaryz júktemesin únemi arttyrmaı-aq, jańa ınvestısıalyq jobalardy qarjylandyrý úshin aıtarlyqtaı kapıtal tartý», – dedi Bataev.
Sarapshynyń aıtýynsha, «Samrýk-Qazyna» aktıvterin jekeshelendirý máselesi mańyzdy, óıtkeni holdıńtiń turaqtylyǵyna yqtımal daǵdarys kezinde ekonomıkany qarjylandyrý táýeldi.
Buǵan deıin Eurasian Resources Group (ERG) memlekettik aksıalar paketi «Samuryq-Qazyna» ulttyq ál-aýqat qory» AQ basqarýyna berilgeni habarlanǵan bolatyn. 2026 jyldyń mamyrynda ERG qazaqstandyq kásipker Shahmurat Mutalıpke tıesili Nature Energy Solutions Ltd. kompanıasy taý-ken tobynyń 39,3 paıyz aksıasyn satyp alǵanyn habarlady. Paket ERG-niń 18,6 paıyzyna ıe bolǵan Patoh Shodıevten, sondaı-aq ERG-niń 20,7 paıyzyna ıe bolǵan Aleksandr Mashkevıchtiń muragerlerinen satyp alyndy. ERG-niń taǵy 20,7 paıyzy Ibragımovtar otbasyna tıesili.