San-Fransıskodaǵy baqylaý alańyna 100-den astam adam jınalyp, jınaqtalǵan ashý-yzasyn Tynyq muhıtqa qaraı qatty aıqaımen shyǵardy, dep habarlaıdy infohub.kz saıty.
«Teńiz jaǵasyndaǵy kómeı aıqaıy» dep atalǵan erekshe sharany jergilikti turǵyn Danıel Igan uıymdastyrdy. Onyń aıtýynsha, qazirgi álemde stress sebepteri kóp — turǵyn úı jaldaý baǵasynyń qymbattyǵynan bastap jasandy ıntellekttiń damýyna baılanysty alańdaýshylyqqa deıin. Uıymdastyrýshy emosıany pikirles adamdarmen birge shyǵarý áldeqaıda tıimdi ári qyzyqty bolady dep sheshti.
Jalpy aıqaılaý aldynda qatysýshylar eń úzdik aıqaı saıysyn ótkizdi. Qazylar qatysýshylardy daýys qattylyǵy, uzaqtyǵy jáne oryndaý ereksheligi boıynsha baǵalady. Saıystyń jeńimpazy Olıvıa Gýlelmotto boldy, onyń daýysy 121,9 desıbelge jetti. Eń qatty aıqaı úshin qyzǵa megafon tabys etildi.
Kezdesý shamamen bir mınýtqa sozylǵan ujymdyq sınhrondy aıqaımen aıaqtaldy. Sodan keıin qatysýshylar áńgimelesip, muhıtta shomyldy. Uıymdastyrýshylar mundaı kezdesýler adamdarǵa psıhologıalyq kúızelisten arylýǵa kómektesedi dep úmittenedi.