Sanamaqtar jınaǵy
Sanamaq
Bir, eki, úsh,
Bir, eki, úsh,
Al, kánekı, ush.
Tórt, bes, alty, jeti,
Tórt, bes, alty, jeti,
Mynaý - aýyl sheti.
Segiz, toǵyz, on,
Segiz, toǵyz, on,
Al, kánekı, qon.
Asyqpa da saspa,
Birden qaıta basta.
***
Bota, túıe,
Qulyn, bıe,
Toraı, shoshqa,
Qozy, qoshqar,
Qodyq, qulan,
Kójek, qoıan;
Baqa, shaıan,
Torǵaı, shymshyq...
Sen, qal!
Sen, shyq!
Saýsaq sanaý oıyny
Qýyr - qýyr qýyrmash,
Balalarǵa bıdaı shash!
Taýyqtarǵa tary shash!
Bas barmaq,
Balaly úırek,
Ortan terek,
Shyldyr shúmek,
Kishkene bóbek.
***
Sen tur – qoıyna bar!
Sen tur – qozyńa bar!
Sen tur – jylqyńa bar!
Sen tur - sıyryńa bar!
Sen tur – túıeńe bar!
Al sen alańdamaı,
Qazan túbin jalap,
Úıde jat.
Myna jerde qurt bar,
Myna jerde maı bar...
Myna jerde qatyq bar...
Myna jerde qytyq bar...
Qytyq, qytyq!
Nesheýmiz
Bir úıde nesheýmiz?
Kel, sanaıyq ekeýmiz.
Bas barmaǵym – ákem,
Balaly úırek – anam,
Ortan terek – aǵam,
Shyldyr shúmek – men,
Kishkene bóbek – sen.
Bir úıde biz nesheýmiz?
Bir úıde biz beseýmiz.
***
Jeti ul
Sál demalyp, tynyp al.
Taqpaq tyńdap, uǵyp al.
Apta degen aǵaıdyń
Jeti birdeı uly bar:
Birinshisi – Dúısenbi,
Ekinshisi – Seısenbi,
Úshinshisi – Sársenbi,
Tórtinshisi – Beısenbi,
Juma degen – Besinshi ul,
Altynshy ul - Senbi,
Jetinshisi – Jeksenbi.
***
Sanamaq
- Adamda qansha baýyr bar?
- Bireý.
- Qansha ókpe bar?
- Ekeý.
- Bir toqsanda neshe aı bar?
- Úsheý.
- Esep shyǵaratyn amal qansha?
- Tórteý.
- Kúnde oqylatyn namaz qansha?
- Beseý.
- Álemde qansha qurlyq bar?
- Altaý.
- Bir aptada neshe kún bar?
- Jeteý.
- Malda qansha jilik bar?
- Segiz.
- Dombyranyń pernesi qansha?
- Toǵyz.
- Sıfrlar qansha boldy?
- On.
Mine óstip jańalap
Aıtyp shyqtyq sanamaq.
​Sanamaqtar jınaǵy júkteý​​​