Saýd Arabıasy Irak aýmaǵynan ushyrylǵan drondar eldiń Shyǵys-Batys munaı qubyryna shabýyl jasaǵanyn rastady. Alaıda Irak premer-mınıstriniń ótinishine baılanysty Rıad ázirge qarsy soqqy berýden bas tartyp otyr. Bul týraly Saýd Arabıasynyń Syrtqy ister mınıstrliginiń málimdemesinde aıtylǵan, dep habarlaıdy infohub.kz saıty.
Mınıstrlik sonymen qatar eldiń egemendigin, qaýipsizdigin jáne strategıalyq mańyzy bar nysandaryn qorǵaý úshin qajetti sharalardyń barlyǵyn qabyldaý quqyǵyn ózinde qaldyratynyn málimdedi.
Buǵan deıin Saýd Arabıasynyń memlekettik buqaralyq aqparat quraldary Shyǵys-Batys munaı qubyry shabýyldardan keıin ýaqytsha toqtatylǵanyn habarlaǵan edi.
Jaǵdaı Taıaý Shyǵystaǵy shıelenistiń odan ári ýshyǵýy aıasynda oryn alyp otyr. Aımaqtaǵy qaqtyǵys munaı jetkizilimine qatysty alańdaýshylyqty kúsheıtip, álemdik naryqtarǵa áser etýde.