Londondaǵy besjuldyzdy qonaqúıdiń birinde Saýd Arabıasynyń hanzadasy óli kúıinde tabyldy. NUR.KZ saıtynyń habarlaýynsha, onyń esirtki men ishimdikke táýeldiligi bolǵan.
Sarapshylardyń anyqtaýynsha, ólim аlkogól men esirtkiniń aralasýynan týyndaǵan júrek toqtaýy saldarynan bolǵan. Hanzada uzaq ýaqyt boıy ishimdik pen esirtkige táýeldilikten zardap shekken. Qaıtys bolýynan úsh aı buryn ol Londondaǵy mamandandyrylǵan klınıkada stasıonarlyq em qabyldaǵan.
Máıit Marriott qonaqúıiniń bólmesindegi vana bólmesinen tabyldy. Bul qonaqúıde bir tún turý quny shamamen 600 fýnt sterlıńti quraıdy.
Hanzadanyń ólimi týraly aqparat BAQ-ta endi ǵana jarıalandy, degenmen oqıǵa byltyrǵy qarasha aıynda bolǵan. İs qazirdiń ózinde sotta qaraldy.
Ol Saýd Arabıasy koroliniń alys týysy, onyń arǵy atasynyń urpaqtarynyń biri bolyp tabylady.