Pensılvanıa ýnıversıtetiniń ǵalymdary bas pen moıyn obyryna baılanysty qaýipti vırýstar men bakterıalardy joıa alatyn bıoınjenerlik saǵyz jasap shyǵardy, dep habarlaıdy infohub.kz.
Pensılvanıa ýnıversıtetiniń Stomatologıalyq medısına mektebiniń profesory Genrı Danıell bastaǵan zertteý toby gıasınt burshaqtary negizinde ónim jasady. Saǵyz quramyna tabıǵı vırýsqa qarsy FRIL aqýyzy kiredi, ol bas pen moıynnyń jalpaq jasýshaly obyryn (HNSCC) týdyratyn mıkroorganızmdermen kúresedi.
Zerthanalyq synaqtar kezinde pasıentterdiń silekeıi men aýyz qýysynyń shaıý suıyqtyǵy úlgilerinde saǵyz syǵyndysy adam papılloma vırýsynyń (APV) deńgeıin tıisinshe 93% jáne 80% tómendetken. Sonymen qatar, ǵalymdar saǵyzǵa mıkrobqa qarsy protegrın peptıdin qosyp, Porphyromonas gingivalis jáne Fusobacterium nucleatum patogendi bakterıalarynyń konsentrasıasyn is júzinde nólge deıin azaıtqan.
Bul rette ónim aýyz qýysynyń paıdaly mıkroflorasyna zıan keltirmeıdi. Scientific Reports jýrnalynda jarıalanǵan zertteý avtorlary bul ázirlemeni qoljetimdi qosalqy terapıa nemese profılaktıka quraly retinde qoldanýǵa bolady dep sanaıdy.