Qazaqstandyq ánshi Say Mo óner kórsetýi kezinde alǵan kútpegen úılený usynysy týraly shyndyqty aıtty. Ártis bul — ázil ekenin moıyndap, júreginiń bos ekenin de jetkizdi, dep habarlaıdy infohub.kz.
Jýyrda Say Mo-nyń konserti kezinde oǵan úılený usynysy jasalyp, bul jankúıerler arasynda qyzý talqyǵa tústi. Kópshilik jumbaq kúıeý jigittiń kim ekenin jáne ánshiniń jaýaby qandaı bolǵanyn bilgisi keldi. Keıbir jazylýshylar bul shoý bolýy múmkin dep te joramaldady. Ártis Instagram-daǵy storısinde oqıǵany naqtylap, jankúıerlerdiń suraqtaryna ashyq jaýap berýdi jón sanady.
«Men "joq" dedim. Bárińe aıtarym, bul prank edi. Men turmysqa shyqpaq emespin jáne qazir eshkimmen qarym-qatynasta emespin. Men bos qyzbyn. Barlyq suraqtaryńa jaýap berdim dep úmittenemin», — dep jazdy Say Mo.
Eske salaıyq, 2020 jyldyń qarasha aıynda ánshi akter Sharıp Serikke musylmandyq dástúr boıynsha kúıeýge shyqqan edi, alaıda bir aıdan keıin ajyrasatynyn málimdedi.