UBT-dan joǵary bal jınaǵan qazaqstandyq túlekter ekonomıka qajettiligin eskermeı mamandyq tańdaǵandyqtan grant ala almaıdy. Bul týraly úkimet otyrysynda ǵylym jáne joǵary bilim mınıstri Saıasat Nurbek málimdedi, dep habarlaıdy infohub.kz saıty.
Onyń aıtýynsha, Qazaqstannyń joǵary oqý oryndaryna granttar tek memleketke qajet mamandyqtarǵa ǵana beriledi.
«Eger qandaı da bir mamandyq boıynsha oqýǵa ishki tilek bolsa, aqyly ne tegin oqýǵa bolady. Tegin oqysań, tilegińdi memleket tilegimen salystyrý kerek. Óıtkeni biz ekonomıkanyń damýy aıasynda oılaýymyz kerek», — dedi ol.
Osyǵan qaramastan, talapkerler memlekettik tapsyrys az baǵyttardy tańdaı beredi. Mysaly, bıyl zań mamandyqtaryna nebári 200 grant bólindi, sebebi elge munsha zańger qajet emes. Degenmen olarǵa 10-12 myń adam úmittenýde.
«Ekinshi aspekt. Biz áleýmettik memleketpiz, sondyqtan kvotalarymyz bar. Áleýmettik osal toptar úshin jeke kvotalar bar. Olar sany jaǵynan kóp emes, biraq bar. Biz teń emes jaǵdaıdaǵy azamattarymyzǵa qamqorlyq jasaýymyz kerek», — dep qosty Saıasat Nurbek.
Sonymen qatar, ýnıversıtetterdiń ózderi de tym kóp stýdent qabyldaı almaıdy, sebebi ınfraqurylym kótermeıdi.
«Ýnıversıtetter: "Men munsha stýdentti oqyta almaımyn, sapasyn joǵaltamyn" deıdi. Sondyqtan tipti jeke jáne ulttyq ýnıversıtetter de óz baldaryn qatań kótere bastaıdy», — dep túıindedi mınıstr.
Buǵan deıin «Kýrsıv» Aımaǵambetovtiń grant beriletin qajetsiz mamandyqtardy ataǵanyn jazǵan edi.